ضلع گجرات میں رمضان المبارک لہو لہو

ڈنگہ(نامہ نگار)ضلع گجرات میں رمضان لہولہو،سات روزوں کے دوران15افراد قتل ہو گئے،گذشتہ رمضان المبارک میں ضلع گجرات میں رمضان المبارک کے دوران24افراد قتل ہوئے تھے،جبکہ رواں ماہ رمضان میں سات دنوں میں پندرہ افراد قتل ہو چکے ہیں۔

سب انسپکٹر سید سجاد حسین شاہ چوکی انچارج ڈنگہ تعینات

ڈنگہ(نامہ نگار)سب انسپکٹر سید سجاد حسین شاہ آف جھنڈا چوہان کو چوکی انچارج ڈنگہ تعینات کر دیا گیا چارج سنبھال کر فرائض کی ادائیگی شروع کر دی ہے،سید سجاد حسین شاہ،قبل ازیں بطور اے ایس آئی چوکی ڈنگہ میں فرائض انجام دے چکے ہیں،سب انسپکٹر حافظ مشتاق احمد کی طویل رخصت کے بعد قائم مقام انچارج چوکی کے فرائض اے ایس آئی ارشاد احمد انجام دے رہے تھے۔

سیکرٹری مارکیٹ کمیٹی بولی کے وقت سبزی منڈی میں موجود رہے،ڈی ڈی او آر

ڈنگہ(الطاف حسن طاہر)ڈی ڈی او آر کھاریاں چوہدری محسن بھٹی نے تھانہ ڈنگہ سے سیکرٹری مارکیٹ کمیٹی سے سخت لہجے میں گفتگو کرتے ہوئے کہا کہ مارکیٹ کمیٹی اپنے فرائض درست طریقے سے انجام نہیں دیتی،کریانہ سے سبزی تک لالہ موسیٰ منڈی بہاﺅ الدین کے مقابلے میں ہر آئٹم40سے80روپے مہنگی ہے جسکی وجہ یہ ہے سیکرٹری بولی کے وقت سبزی منڈی میں نہیں ہوتا،دکانداروں کی من پسند رئٹس لگا کررمضان المبارک کے بابرکت مہینے میں گراں فروشی کو سرکاری رعایت دے دی جاتی ہے، انہوں نے کہا کہ میں سیکرٹری مارکیٹ کمیٹی کی ناقص کارکردگی کے متعلق اعلیٰ حکام کو تحریری شکایت کروں گا،انہوں نے کریانہ کے دو اور سبزی کے دو گراں فروشوں کو مجموعی طور پر آٹھ ہزار روپے حاضر موقع جرمانہ کیا،انہوںنے کہا کہ یہ آخری وارننگ ہے اس کے بعد گراں فروشی کرنے والے دکانداروں کے خلاف تھانہ ڈنگہ میں ایف آئی آر درج کروائی جائے گی اس موقع پر موجود صدر کریانہ ایسوسی ایشن حاجی محمدنواز اور جنرل سیکرٹری سہیل اشرف کھوکھر نے کہا کہ ساتھی دکاندار ڈی سی او کی جاری کردہ لسٹ کے مطابق کریانہ فروخت کریں جو سودا ان کے”وارا“میں نہیں اسے فروخت نہ کریں،یاد رہے کہ ڈی ڈی او آر محسن بھٹی نے فرضی گاہک کے ذریعے کریانہ کے دو دکانداروں سے بیسن اور دودکانداروں سے بھنڈی توری اور کدو کی خریداری کروائی تو ریٹ لسٹ سے تیس سے چالیس روپے مہنگی فروخت کی گئی۔

اسپیشل مجسٹریٹ نے سموسہ فروخت کرنے والوں کو ہزاروں روپے جرمانہ کر دیئے

ڈنگہ(نامہ نگار)اسپیشل مجسٹریٹ کھاریاں درجہ دوئم نے گذشتہ روز ڈنگہ میں سموسے فروخت کرنے والے دکانداروں کو مجموعی طور پر ہزاروں روپے کے جرمانے کر دیئے،دکان کے اعتبار سے پانچ سو سے دو ہزار تک فی دکان جرمانے کئے گئے تمام دکانداروں کو ریٹ لسٹ آویزاں نہ کرنے پر گراں فروشی کے الزام میں جرمانے ہوئے،دکانداروں نے جرمانوں پر احتجاج کرتے ہوئے کہا ہے کہ مارکیٹ کمیٹی ہمیں کوئی ریٹ لسٹ جاری نہیں کرتی نہ ہماری کوئی تنظیم ہے جو ہمیں ریٹ لسٹ بنا کر دے،ہم پر ناجائز طور پر کاروائی کے لیے جرمانے کئے گئے ہیں،انہوں نے مرکزی انجمن تحفظ تاجران سے اپیل کی ہے کہ وہ ان کے حقوق کا بھی تحفظ کرے۔

بی اے،بی ایس سی کاضمنی امتحان اکتوبر میں ہو گا،داخلہ فارم جمع کرانے کی تاریخ2ستمبر مقرر

لاہور(محمد بلال احمد بٹ)پنجاب یونیورسٹی کے زیر اہتمام بی اے ،بی ایس سی کا ضمنی امتحان2010ءاکتوبر کے دوسرے ہفتے میں ہو گا،داخلہ فارم دو ستمبر تک وصول کئے جائیں گے۔

سب انسپکٹر محمد اکرم نے منشیات فروش کو سو کپی شراب سمیت دھر لیا

ڈنگہ(کرائم رپورٹر)انچارج انوسٹی گیشن ڈنگہ سب انسپکٹر محمد اکرم وڑائچ نے ناکہ لگا کر بدنام منشیات فروش سرور شاہ کو سو کپی شاب اور وٹک کی رقم سمیت گرفتار کر لیا،تفصیلات کے مطابق ایس آئی محمد اکرم نے منگووال چوک پر ناکہ لگارکھا تھا کہ بدنام منشیات فروش سرور حسین شاہ ولد انور حسین شاہ سکنہ کالو ساہی سی ڈی70راوی موٹر سائیکل پر منگووال کی طرف سے آیا جس نے موٹر سائیکل پر دو توڑے رکھے ہوئے تھے روک کر تلاشی لینے پر سو کپی شراب برآمد ہوئی سرور شاہ نے دوران تفتیش بتایا کہ وہ250کپی شراب فروخت کرنے لایا تھا،جس میں سے سو کپی شراب جبران ولدریاض سکنہ کنگ سہالی کو جبکہ پچاس دیگر گاہکوں کو فروخت کر دی ہے،پولیس نے سات ہزار روپیہ رقم وتک اور سو کپی شراب سمیت سرور شاہ کو گرفتار کر کے اس کے خلافکے تحت مقدمہ درج کرلیا ہے۔

حضرت امام حسین کی طرح ظالم کے آگے ڈٹ جانا چاہیے،گلریز افضل توحیدی

ڈنگہ(محمد بلال احمد بٹ)ایم ڈی فضل ربی جیولرز مین بازار ڈنگہ گلریز افضل توحیدی نے ایگزیکٹو ایڈیٹر دیہات ٹائمز رانا قاسم حسنین علی سے گفتگو کرتے ہوئے مسلمان امہ کو پیغام دیا کہ وہ توحید و رسالت پر کٹ مریں، انہوں نے کہا کہ اگر مسلمان قوم حضرت امام حسین علیہ السلام کی طرح ظالم کے خلاف ڈٹ جائیں تو کوئی وجہ نہیں کہ وہ اس عالم میں مقام مقام حاصل نہ کر سکیں انہوں نے کہا کہ مسلمانوں کو چاہیے کہ وہ حضور پر صحابہ کی طرح قربان ہوجائیں۔

پانی لگانے پرجھگڑا،تین افراد نے محنت کش کو کلہاڑیوں سے چھید دیا

ڈنگہ(کرائم رپورٹر)پانی لگانے کے جھگڑے پر تین افراد نے کاشتکار کو کلہاڑیوں کے وار کر کے شدید زخمی کر دیا،ایف آئی آر کے مطابق محمد اشرف ولد حاجی راجے خان چک محمود میں اپنے ڈیرہ پر تھا کہ ناصرا قبال،یاسر اقبال اپنے والدمحمد صادق کے ہمراہ گھسے اور دستی کلہاڑیوں سے محمد اشرف پر وار کر کے شدید زخمی کر دیا،وجہ عناد پانی لگانے کا تنازع بتایا گیا ہے،پولیس تھانہ ڈنگہ نے ملزمان کے خلاف34,452,337,43,337-l2 ت پ کے تحت مقدمہ درج کرلیا ہے۔

مہرمحمد انور ناز کی بیٹی اور بیٹا اپنی کلاسز میں نمایاں نمبروں سے کامیاب

ڈنگہ(نامہ نگار)ممتا زتاجر اور سابق کونسلر مہر انو ر ناز کی بیٹی اور بیٹا اپنے اپنے امتحانات میں نمایاں نمبروں سے کامیاب ہو گئے،انکا بیٹا مہر محمد اکرم میٹرک کے امتحان میں 665نمبر لے کر کامیاب جبکہ بیٹی مریم ناز بی اے فائنل کے امتحان میں379نمبر لے کر کامیاب رہیں،صدر الخدمت فاﺅنڈیشن ڈنگہ ایگزیکٹو ایڈیٹر دیہات ٹائمز رانا قاسم حسنین علی نے مہر انور ناز کو دونوں بچوں کی شاندار کامیابی پر دلی مبارکباد پیش کی ہے۔

پرائمری سکول فتہ لماں کو مڈل کا درجہ دلوانا میاں طارق محمود کا عظیم کارنامہ ہے،چوہدری محمد نواز وڑائچ

فتہ لماں (پریس ریلیز)ایم پی اے میاں طارق محمود کی طرف سے گورنمنٹ پرائمری سکول فتہ لماں کو ایلیمنٹری کا درجہ دلوانے اور منظور کروانے پر تاثرات کا اظہار کرتے ہوئے ممتاز زمیندار چوہدری محمد نواز وڑائچ نے کہا کہ سکول کی اپ گریڈیشن میاں طارق کا کارنامہ ہے،سابق چیئر مین زکوٰة وعشر فتہ لماں چوہدری منور حسین وڑائچ نے کہا کہ دور دراز علاقہ میں مڈل سکول کے قیام سے علم کی روشنی پھیلے گی،سابق کسان کونسلر حاجی محمد انار خان نے کہا کہ میاں طارق محمود عوامی ایم پی اے ہیں اور حلقہ میں ترقیاتی کاموں کے حوالے صوبہ بھر میں اول ہیں طالب علم حسنین خالد وڑائچ نے کہا کہ ہم امید کرتے ہیں کہ میاں طارق محمود سکول کا سنگ بنیاد رکھنے جلد فتہ لماں آئیں گے۔

سبزیوں کی ترسیل میں رکاوٹ بدستور مہنگی فروخت

ڈنگہ(نامہ نگار)پشاور اور راولپنڈی کے نواحی علاقوں میں سیلاب کی تباہ کاری کے باعث ڈنگہ مارکیٹ میں سبزی کی ترسیل میں کمی تاحال دور نہیں ہو سکی،جسکی وجہ سے مارکیٹ میں سبزیوں کی قیمتیں آسمان سے باتیںکر رہی ہیں،آڑھتی برادران کا کہنا ہے کہ اگلے4ماہ میں صورتحال مزید خراب ہو کر بحران کی شکل اختیار کر سکتی ہے کیونکہ زیادہ بارشوں کے باعث مقامی کاشت شدہ سبزی کی فصل بھی مکمل تباہ ہو چکی ہے۔

ڈنگہ سستے رمضان بازار کی سہولت سے محروم

ڈنگہ(نامہ نگار)گذشتہ سال ڈنگہ میں کامیاب سستے رمضان بازار کے باوجود امسال ڈنگہ اس سہولت سے محروم رہا وزیر اعلیٰ پنجاب کی ہدایت کے باوجود نامعلوم وجوہات کے باعث ڈنگہ میں اس سال سستا رمضان بازار نہیں لگا۔

نماز مومن اور کافر کے درمیان واحد فرق ہے،مولوی محمد شریف

ڈنگہ(نامہ نگار)ایس ایچ او ڈنگہ انسپکٹر مولوی محمد شریف نے تھانہ مسجد میں خطاب کرتے ہوئے کہ کہ نماز مومن اورکفر میں واحد فرق ہے،اس لئے مومن کو ہمیشہ نماز کو زندگی میں لازمی حصہ بنانا چاہیے۔

مسجد گلزازحبیب شاہ تکیہ میں در س ضیاءالقرآن

ڈنگہ(شفنان عدیل)مسجد گلزار حبیب محلہ شاہ تکیہ میں چار رمضان المبارک کو درس قرآن کا اہتما کیا گیا،ممتاز عالم دین علامہ محمد امیر القادری پرنسپل دارالعلوم محمدیہ غوثیہ فتہ نور جمال نے رمضان المبارک کے حوالے سے جامع خطاب کیا،درس کا اہتمام پیش امام مسجدحافظ بشیر احمد قادری نے کیا،سینکڑوں افراد نے درس میں شرکت کی۔